EAJ - PNV

Urtearen hirugarren hilean emakumeak izan ziren nagusi, Berangoko emakumeek beren toki berezia izan zutelarik. Udaleko kultur elkarteek programatu zituzten ekitaldiek jasotako harrera ona ere azpimarratu beharra dago.   

Urtarrila izan zen beste hilen gainetik ikusle gehien hartu zituen aldia, urte hasieran  1.183 ikusle izan zirelarik. Hauen artean  umeak daude nagusi, eta horrek erakusten du antzokiak neska eta mutikoen gustuko zerbitzua ematen duela. Birritan bildu ziren 200etik gorako ikusleak, “ Cars” edo “Pottokiak” izenburuko pelikulak ikusteko. Zenbaki horiek gainditu ziren ere “ Dinosaurio egitasmoa” ikuskizuna eskaini zenean.  

Otsailean “ Kunfu Panda 2.a” izenburuko pelikula eskaini zen eta bertan ere 202 txiki bildu ziren. Baina martxoan, emakumeak izan ziren nagusi. Ikusle gehien eraman zuten ikuskizunak “ Berango eta bere emakumeak”  eta “ Berangoko Heroinak”  izenburukoak.

Apirilean behera egin zuten zenbakiek eta 319 ikusle joan ziren. Hurrengo hilean ikusle kopurua bikoiztu zen , tailerretako erakusketak eta abesbatzaren kontzertua eskaini zirenean. Ekainean  648 pertsona hurbildu ziren. Ekitaldi hauen artean, azpimarragarria da Adagio dantza eskolaren hogeita bosgarren urteurrena ospatzeko egin zen ikuskizuna eta “Horton” pelikularen euskal bertsioaren emanaldia.