EAJ - PNV

Joseba AurrekoetxeaEAJ-PNVren hauteskunde kanpainaren arduradunak eta Josu Erkoreka EAJ-PNVk Euzko Legebiltzar Taldean Bizkaiko diputatu  eta berraukeratua izateko hautagaiak gaur goizean aurkeztu dituzte Sabin Etxean, A-20rako hauteskunde kanpainaren goiburu eta oinarriak.

Biek batera erakutsi dute “Euskadi puede” eta “Euskadiren Alde” goiburu bikoitz eta  osagarria. “Hitz hauekin adierazi nahi dugu Kongresu eta Senatuan EAJ-PNVren Euzko Abertzaleak taldearen egitekoaren ikurra izan dena”. Hau da, “politika egiteko dugun modua laburbiltzea, funtzionatzen duen eredua, autogobernu eta ongizatean  emaitzak  eman dituena. 

Josu Erkorekak ezarri duenez “gure eredua egiaztatuta geratu da” “jakin badakigu EAJren ereduak funtzionatu egiten duela eta  arrakasta bermeaz ekin diezaiekegula Euskadik arlo guztietan dituen erronkei, besteak beste krisi ekonomikotik irtetea, gizarte prestazioen sistema bermatzea eta babestea, eta jakina, bakea eta normalizazioa erdiestea”.

 EAJ-PNVk A20rako dituen helburuak

EAJ-PNVk Diputatuen Kongresuan duen legebiltzar taldearen bozeramaileak adierazi duenez “bikoitza eta argia da A20rako dugun helburua”, hau da “Euskadiko lehen indar gisa dugun tokia sendotzea eta Kongresuan eta Senatuan legebiltzar taldea osatzea”.

Donostiako Bake Konferentzia

Era berean, gaur goizean Sabin Etxean ospatu izan den prentsa aurrekoan, EAJ-PNVk Bizkairako aurkeztu duen zerrenda buruak aditzera eman duenez “beharrezko zuhurtasunetik landu dugu Euskadin behin betiko bakea lortu ahal izateko helburua” eta zentzu honetan “benetan sinesten dugu Donostian datorren astelehenean egingo den Bake Konferentzia zedarri garrantzitsua izango dela, eta helburu horretarako bidean lehena eta orainaren arteko marka ezarriko duela”.

Josu Erkorekak esan duenez “halako ekimenak norabide zuzenean doaz” eta horregatik “EAJ-PNVren aldetik babestu egiten ditugu, bakea erdiesteko helburuan kalkulu politikorik ez dagoela uste dugulako” .