EAJ - PNV

Ekainaren 29ra arte, goizeko  10:00 etatik 14:00etara eta 16:30etik 20:30era, denentzat irekiko da Ereaga hondartzan  GSW Camp delako kirol esparrua, bertan futbola, beisbola eta voley ball praktikatzeko.

Asteazkenera arte, Tamarises hotelean sukaldaritza jardunaldiak egingo dira, eta profesionalen laguntasunarekin, interesatu guztiek “gure arrainak” ondo aztertu ahal izango dituzte, Txakolina eta arrainak elkartzeko katak egingo dira eta “hegaluzea, gure udako arraina” ezagutzeko parada izango dute. Eta, bien bitartean, aukera izango da Euskal Kostako bokarta eta hegaluzaz eginiko pintxoak eta Bizkaiko txakolina dastatzeko.

Ostegun eta ostiralez,  19:30etik  21:00etara, Igeretxe Hotelean egingo da “Urpekaritza Astea”. Bere hirugarren edizioan argazkiak egongo dira ikusgai, dokumentalak ikusi ahalko dira eta  itsasoarekin konpromisoa hartu duten pertsonek parte hartuko duten hitzaldi eta mahai inguruak ere egingo dira, besteak beste  Marc Chicano eta Marilen Ensenyat (ostegunean), Pierre Yves Cousteau –Cousteau Komandantearen semea-, Arturo Boyra eta Ingrid Riera (ostiralean).