EAJ - PNV

Ortuzarrek adierazi du Uribetxebarriari legea aplikatu behar zaiola "beste edozein presori aplikatzen zaion bezalaxe". "Gu beti agertu gara espetxe politika erabili izan den moduan ez, beste modu batean erabiltzearen alde, espetxe politika ezin delako izan zigorra zigorraren gainean", erantsi du.

Hala, haren esanetan, "gose greban diren presoek baraualdi bihur lezakete greba hori, euren okerrak eta ekintzak eta eragin duten kaltea aitortzeko". "Askoz sinesgarriagoa litzateke ezker abertzalearen jarrera, ETAko presoena, Arnaldo Otegirena eta abarrena, baldin eta, gose grebaz gainera, esango balute hori baraualdia ere badela, euren ekintzek eragin duten kalte guztiaren aitorpen eta ordain gisa", adierazi du.

Andoni Ortuzarrek baieztatu duenez, bai PPren Gobernua zein ezker abertzalea "urriaren 20aren aurreko politikaren eskema zaharra erabiltzen ari dira". Egun horretan iragarri zuen ETAk bere jardunari utziko ziola.