EAJ - PNV

Urkulluren aburuz, “Euskadi-k egina duen bidea emankorra dugu, Euzko Alderdi Jeltzaleak ondo asko daki, egiten eta ekiten jakin duelako. Euskal autogobernuak bere diru kontuak orekatuta behar dituen bezala, Euskadi-k bere sistema finantzaria sendo behar duen bezala, Euskal Ongizateak industria eta ekoizpen sistema azkarra behar duen bezala, euskal gizarteak punta-puntako Hezkuntza behar du”.

“Gizabanakoaren aurrerapena eta ongizatea, neurri handi batean, bere heziketa mailaren baitan izaten dira. Horregaitik EAJ-ren apustua kalitatezko sistemaren aldekoa izango da” gaineratu du.

“Egungo egoerak aurre-aurre jartzen dizkigun problema konplexuei irtenbide eraginkorrak ematea da gure erronka eta, autogobernuak ematen digun tresnen bidez eta urteetan ikasi duguna, hau da, dakigunaz baliatzea da Euzko Alderdi Jeltzalea-ren konpromisua. Izan gaitezen, beraz, konpetenteak Euskadi-n” azpimarratuz bukatu du.