EAJ - PNV

Alkateak Udal Politikaren inguruko Eztabaida Orokorraren lehen bilkuran iragarri zuen  enpleguaren aldeko talka planaren inguruan, oposizioko lehen alderdiaren bozeramaileak baieztatu du goitik behera aztertuko duela Jundizerako , enpresei lurzorua lagatzeko egin den proposamena, baina “ arinkeria da 2000 lanpostu sortzeaz hitz egitea”.

Urtaranek agerian utzi du, gaur egun 20.000 gasteiztar direla langabezian daudenak, eta hauetako 6.500 dira langabezian denbora luzean egondakoak. “Neure buruari galdetzen diot zer gertatuko ote den  gaur egun langabezi prestazioren bat kobratzen duten 13.500 pertsonei laguntasuna amaitzen zaienean. Arrazoi hori nahikoa litzateke Marotok eguneroko konpromiso serioa har dezan enplegua sustatzeko lanarekin. Dena dela, PPk albo batera utzi ditu bere hauteskunde konpromisoak eta ez du interesik erakutsi gainerako talde politikoekin udal enplegu politika adosteko” esan du.