EAJ - PNV

Ikasketa areto berri hau KZgunearen ondoko gelan dago, eta  komunak ere baditu ondoan. Baina, bere ezaugarririk nabarmenena da ikasleentzat irekita egongo dela urteko 365 egunetan eta egunean 24 orduz. Horrela, areto hau erabili nahiko duten zamudiotarrek herriko udaletxean beren datuak eman beharko dituzte. Udaletxean bertan, erabiltzailea identifikatzeko giltza elektronikoa emango diete, aretora nahi duten guztietan sartu ahal izateko. Giltza honek aretora  joan direnen sarrera eta irteera guztiak erregistratzea  ahalbidetuko du.

Herriko gazteek egindako eskakizuna izan da  areto hau, azterketak prestatzeko garaian  ikasteko toki egokia behar zutelako. Orain arte ikusitakoaren arabera, erantzun ona jaso da gazteen aldetik, ireki zenetik aste bete igaro dela, hainbat izan direlako Udaletxera  sarbidea emango dien giltza eskatzera joan diren ikasleak.