Luis Raúl Matos George Washington Universityko Politika Gerentziako Graduondoko Eskolaren Latinoamerikarako Gobernagarritasun eta Politika Gerentziarako Programako zuzendari eta Venezuelako Finantza ministro ohi eta Planifikazio ministro ohiak; F. Christopher Arterton George Washington Universityeko dekanoak, eta Heather Smith, unibertsitate bereko irakasleak Barack Obamaren hauteskunde-garaipenaren gaineko gai bi jorratu dituzte gaur, hots: bateko, AEBetako presidentetzarako hauteskundeetan Barack Obamak egindako hauteskunde-kanpaina bera, eta, besteko, hautagai demokrata hautestontzietan irabaztera eraman zuten arrazoiak.

Mikel Laboa kantari eta musikagile ezaguna goizaldean hil da, goizeko 5:00ak aldera, hil da, azken hilabeteak gaixorik eman ondoren. 74 urte zituen Laboak. Arratsaldeko 17:00etan irekiko dute hil-kapera, Errekaldeko beilatokian. Bihar goizean, berriz, gorpua erraustuko dute.

Joseba Egibar EAJren GBBren lehendakariak baieztatu du Euskal Kutxen “bat-egiteen zikloaren ezeztatzearen erantzutea PSE dela”, “aita hiltzeko konplexua” baitu, eta ´leitmotiv´ bakarra EAJ zigortzea baita.

EAJren Euzkadi Buru Batzarraren lehendakari den Iñigo Urkulluk gaur Sukarreitan burutu den Sabino Aranaren heriotzaren 105. urteurrenean adierazi duenez, “Euskadi sekula izan dena baino naziagoa da gaur egun”.

Eusko Jaurlaritza, Galizako Xunta eta Kataluniako Generalitat-eko hizkuntza politikaren arduradunek Sabino Arana Fundazioak antolatutako mahainguru batean parte hartuko dute.

Diputatuen Kongresuko Euskal Taldearen bozeramaile den Josu Erkorekak Espainiako gobernuaren presidente den José Luís Rodríguez Zapaterorekin “berehala burutu daitezkeen eta Euskadira zuzendurik izango diren I+G+b alor inguruko paketea negoziatu du”.